Plantun de Prouvènço

Pèr coumpara dos planto d'encò nostre

Erucastrum incanum & Scrophularia nodosa

Erucastrum incanum

Brassicaceae Cruciferae

Noms en français : Faux Rapistre blanchâtre, Roquette bâtarde.

Descripcioun :
Aquesto rouqueto-bastardo trachis sus li camin e proche d'oustau. La planto èi peludo à la baso, mai se recounèis subretout à si silico, qu'un cop maduro, sèmblon de quiho emé soun long bè. Coumpara emé lou ravanicle que ié sèmblo proun, aleva li fru o emé la fausso-rouqueto (aqui regarda li fueio).

Usanço :
Li jòuini fueio e li flour soun manjadisso pèr l'ensalado champanello.

Port : Erbo
Taio : 20 à 80 (100) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Erucastrum
Famiho : Brassicaceae
Famiho classico : Cruciferae

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun
Remarco : Ensalado champanello

Liò : Camin - Escoumbre e proche dis oustau - Ribiero
Estànci : Termoumediterran à Coulinen
Couroulougi : Pancaro entresigna
Ref. sc. : Erucastrum incanum (L.) W.D.J.Koch, 1837 (= Hirschfeldia incana (L.) Lagr.-Foss., 1847 )

Erbo-dis-escrolo

Scrophularia nodosa

Scrophulariaceae

Nom en français : Scrofulaire noueuse.

Descripcioun :
L'erbo-dis-escrolo douno d'èr à l'erbo-dóu-siège, pamens èi mens forto, sa tijo èi carrado mai sènso alo e pleno (fotò). Ei gaire coumuno au nostre, aleva dins lis Aup marino. Trachis dins li relarg fres.

Usanço :
Coume soun noum lou dis, l'erbo-dis-escrolo èro emplegado pèr gari (o pulèu sougna) lis escrolo que soun de boufigo (fotò) que vènon dins lou còu en rapport emé la tuberculòsi que ié disien à l'Age-Mejan, en latin, struma o morbus regius (mau de rèi). A l'Age-Mejan li rèi an lou poudé de gari lis escrofo ("écrouelles" en francés). A forto doso la planto pourrié èstre empouisounanto.